Assalamo Alaikum.mufti sahab mera sawal shadi ke liye istikhara karney

Assalamo Alaikum.mufti sahab mera sawal shadi ke liye istikhara karney key barey mein hy jis ki waja se mery shohar ke ek dost ko kafi pareshani hy.qisa khuch yoon hy ke A ki char behnein hein. do ki shadi ho gai hy jo un key buzurgoun( Dada Dadi ) ne karai thi ab A ke walid apni zindagi ka har faisla istikhara kar ke kartey hein A ke walid ney apni bacheeon key beeseeon rishtey is waja se thukra diye hein key istikhara mein koi wazih jawab naheen milta hey istikhara wo khud kartey hein. aur nammaz key paband aur wazaif key aadi hein aur achi shohrat rakhtey hein.shadi na hone ki wajjah se A ki ek behen nafsiyati mareeza ban chuki hy.Doosri nehen sabr ki manzilein tey kar rahi hey A ki khud umar 40 saal ho chuki hey walid shab ka kehna hey key jab tak istikhara nahi nikley ga shadi nahi ho sakti ke yeh badbakhti ho gi key istikhara na nikley aur shadi kar di jaey.Doosri taraf A key walid dunyawi taur par koi koshish nahi kartey jab key rishtey key liyey koi baat chaley tu larki yaa larkey waloun se mulaqat bhi nahi kartey telephone per hi baat kartey hien key hum istikhara karein gey agar munasib nikla tu baat chalaein ge. khair A bahut ba kirdar hey achi amdan rakhta hey acha rehen sehen aur ghar baar hey magar pareshan hey ky in haalat se kaisey muqabila kary kiyun key waldain ki nafarmani nahi karna chahata hey ke is ki deen mein koi gunjaish nahi he. apney ilawa behnoun ki shadi na honey aur mawaqey zaiah honey ki waja se kafin ranjeeda hey. koi soorat nahi ban pa rahee. A key walid ki ummar 70 baras ho chuki hey.wo koi bhi gunjaish deney key liye tayyar naheen deeni mallomaat jantey hey lekin is muaamley mein bahut sakht hein A ki walda unparrh hey wo kisi faisley ki taqat nahi rakhtee hein. bachay kafi pareshan hein aap se guzarish hey key tafseel sey rehnumai farmain key is soorat mein A ke liyey sharee hukam kiya hay jab key fitri taur par A ki shadi ki khawahish lazim hey aur waqt haath se nikla ja raha hey.Mufti sahab jawab zaroor dee jiye ga Jazakkalah.
Answer:			Download